Futbolda dəhşət: Rəqibinin ayağını sındırdı, kütləvi dava düşdü - FOTO/VİDEO

Ekvadorun yüksək divizionunda “İndependiente del Valle” ilə “Muşuk Runa” arasında keçirilən matçda dəhşətli hadisə baş verib.

Publika.az xəbər verir ki, 60-cı dəqiqədə gənc hücumçu Yan Pyer Arroyo Vernaza rəqib Brayan Neqronun kobud hərəkəti nəticəsində dəhşətli zədə alıb. “Muşuk Runa”nın futbolçusu rəqib hücumçunu saxlamaq üçün sürüşmə fəndi edib və birbaşa onun ayağına zərbə endirib.

Görüntülərdə oyunçunun topuğu qeyri-təbii bucaq altında əyilmiş görünür. 22 yaşlı futbolçu dərhal ağrıdan qışqıraraq əllərini yelləyərək kömək çağırıb.

Tibb işçiləri meydanda 10 dəqiqədən çox yardım göstəriblər, daha sonra onu xəstəxanaya aparmaq üçün meydana təcili yardım maşını gəlib. İlkin məlumata görə, Vernazaya baldır və fibula sümüyünün sınığı diaqnozu qoyulub.

Hakim dərhal Brayan Neqroya birbaşa qırmızı vərəqə göstərib, lakin bu, gərginliyi daha da artırıb. Hər iki komandanın oyunçuları meydanda dava etməyə başlayıblar və hətta ehtiyat oyunçular da onlara qoşulublar.

Dava zamanı Krizofer Anqulo və Xordi Alsivar da daxil olmaqla bir neçə oyunçu meydandan qovulub.

Xaosa baxmayaraq, matç sonda sona qədər oynanılıb. Oyun 100 dəqiqədən çox davam edib və Matías Perello iki qol vuraraq “İndependiente del Valle”nin qələbəsini təmin edib.

Heybət

El central argentino Brian Negro entró de FORMA ASQUEROSA sobre Jean Arroyo Vernaza.

Le ha hecho PEDAZOS EL PIE. El hueso completamente EXPUESTO solo cubierto por la calceta. Deben suspenderlo de por vida. pic.twitter.com/ObYMhOM5jI

— Capi Super Girl. (@capi_abril) March 8, 2026