Bəqai qadın futbolçulara səsləndi: “Qorxmayın, sizi açıq qollarla gözləyirik”

İran Xarici İşlər Nazirliyinin sözçüsü İsmail Bəqayi milli komandanın qadın oyunçularını ölkəyə qayıtmağa çağırıb.

Publika.az xəbər verir ki, bundan əvvəl İran dövlət televiziyasının aparıcısı Məhəmməd Rza Şahbazi İranın qadınlardan ibarət milli komandasını dövlət himnini oxumadığına görə tənqid etmişdi: “Müharibə dövründə xainlərlə daha sərt davranılmalıdır”. Bundan sonra FIFPro FIFA və Asiya Futbol Konfederasiyasından (AFC) qadın milli komanda oyunçularının təhlükəsizliyini təmin etmələrini istəmişdi.

Bildirilir ki, beş iranlı qadın futbolçu Avstraliya polisinin köməyi ilə komandanın düşərgəsindən qaçıb. Onlara humanitar viza verilib. Daha sonra məlum olub ki, daha iki qadın futbolçu Avstraliyadan sığınacaq istəyib.

“Tomaqavk”ların ikiqat hücumu nəticəsində 165-dən çox günahsız iranlı məktəbli qız öldürülüb. İndi isə idmançılarımızı “xilas etmək” bəhanəsi ilə girov götürmək istəyirlər?

İranın qadın futbol komandasına: narahat olmayın. İran sizi açıq qollarla gözləyir”, – Baqai “X”də yazıb.