Hakim bicliyi: Qalmaqallı oyundan sonra futbolçuları qorxutmaq üçün görün nə etdi - VİDEO

Afrika Çempionlar Liqasının 1/4 final mərhələsində "Esperans" ilə "Əl-Əhli" arasında keçirilən oyunda baş hakimlə bağlı kifayət qədər qeyri-adi epizod yaşanıb.

Publika.az xəbər verir ki, Tunis klubu minimal hesabla – 1:0 qalib gəlib və matçdakı yeganə qol penalti zərbəsindən vurulub.

Final fitindən sonra meydanda gərginliyin hakim qərarları ilə bağlı mübahisələrə çevrilməsi ehtimalı var idi. Lakin seneqallı referi İssa Si qabaqlayıcı addım atmağa qərar verib.

Oyunun bitməsindən dərhal sonra hakim qırmızı vərəqəni çıxararaq nümayişkaranə şəkildə əlində saxlayıb. Bu jestlə o, faktiki olaraq bütün futbolçulara "kim yaxınlaşıb etiraz etsə və ya mübahisə aparsa, dərhal meydandan qovulacaq" mesajını verib.

Bu taktika ideal şəkildə işə yarayıb. Heç bir oyunçu hakimlər briqadasına yaxınlaşmağa cəsarət etməyib və referilər meydanı problemsiz tərk ediblər.

Heybət

Este árbitro en la Champions de África parece haber encontrado la solución para que nadie le proteste al final del partido.

Sacó la tarjeta roja por las dudas de que alguien se le acerque pic.twitter.com/IiuPW1pcmy

— Pablo Giralt (@giraltpablo) March 16, 2026