İdman

UEFA Luçesku ilə bağlı bu qərarı verdi

8 Aprel 2026 16:43

UEFA Mirça Luçeskunun xatirəsinə ehtiram əlaməti olaraq bütün avrokubok oyunlarından əvvəl bir dəqiqəlik sükut elan olunacağını açıqlayıb.

Publika.az xəbər verir ki, qərar bu həftə keçiriləcək UEFA Çempionlar Liqası, UEFA Avropa Liqası və UEFA Konfrans Liqası matçlarının hamısına şamil olunacaq.

Vətəni Rumıniyada da futbol oyunları onun xatirəsinə bir dəqiqəlik sükutla başlayacaq.

Xatırladaq ki, Mirça Luçesku aprelin 7-də 80 yaşında vəfat edib. Aprelin 3-də xəstəxanadan çıxmağa hazırlaşarkən infarkt keçirən mütəxəssisin vəziyyəti qəfil ağırlaşıb və aprelin 5-də süni komaya salınmışdı.

Həkimlərin son məlumatına görə, Luçeskuda ciddi ürək-damar xəstəlikləri aşkarlanmışdı və vəziyyəti kritik qiymətləndirilirdi. Görülən bütün tibbi müdaxilələrə baxmayaraq, görkəmli məşqçinin həyatını xilas etmək mümkün olmayıb.

Heybət