"Barselona" indi də "ikinci əl bazarı"na girir

“Barselona” ikinci əl bazarına daxil olmağa hazırlaşır.

Publika.az xəbər verir ki, bu barədə İspaniyanın "Sport" nəşri məlumat yayıb.

"Barca Innovation Hub" yerli "Drelife" startapının rəsmi sponsoru olub. Bu əməkdaşlıq Kataloniya klubuna “Barselona” formalarının ikinci əl satışını nəzarət altına almağa imkan verəcək. İndiyə qədər bu satışlar klubun nəzarətindən kənarda həyata keçirilirdi.

Yeni sistem vasitəsilə klub təkcə satış həcmlərini izləməyəcək, eyni zamanda geniş məlumat bazasını analiz edəcək. Azarkeşlərin üstünlükləri, kolleksiyaçı profilləri və konkret formaya olan tələbat kimi göstəricilər araşdırılacaq.

Klub rəhbərliyi hesab edir ki, ikinci əl idman məhsulları bazarı qlobal miqyasda sürətlə böyüyür və hər il milyardlarla avro gəlir gətirir. Buna baxmayaraq, bu sahə indiyədək klublar tərəfindən tam qiymətləndirilməyib.

"Barca Innovation Hub"un rəhbəri Anhel Riudalbas bildirib ki, bu təşəbbüs klub üçün yeni biznes istiqamətləri açacaq və pərakəndə satış ekosistemini daha effektiv və gəlirli modelə çevirəcək.

Müəllif: Heybət