Əfsanədən ittiham: “Əvvəlcə Belçikanın qızıl nəslini xərclədin, indi də…”

“Mançester Yunayted”in və Danimarka yığmasının əfsanəvi qapıçısı Peter Şmeyxel Portuqaliya millisinin baş məşqçisi Roberto Martinesi tənqid edib.

2026-cı il Dünya Kubokunun qrup mərhələsinin ilk oyununda Portuqaliya millisinin Konqo Demokratik Respublikası ilə 1-1 hesablı heç-heçəsindən sonra Şmeyxel ispaniyalı mütəxəssisin köhnə səhvlərini təkrarladığını iddia edib.

Publika.az xəbər verir ki, “Goal” Şmeyxelin sözlərini sitat gətirib:

“Roberto Martines bu Dünya Kubokunda ən uğursuz məşqçilərdən biridir. O, Belçikanın qızıl nəslini boşa xərclədi və indi də eyni şey Portuqaliya ilə baş verir. Açıq-aydın işləməyən bir sistemdə oynamağa davam edərkən Joao Feliks və Rafael Leaonu ehtiyat oyunçular skamyasında necə saxlaya bilərsiniz? Portuqaliyanın hücumda çox böyük istedadları var.

Onun taktikaları çox mühafizəkardır. Hücumda yaradıcılıq çatışmır, yarımmüdafiə tez-tez dağınıq görünür və əvəzetmələr adətən oyunu dəyişdirmək üçün çox gec olur”.

Portuqaliya iyunun 23-də Özbəkistanla qarşılaşacaq.