“Qızıl top”a namizədlərin yeni reytinqi - Lider kimdir?

2026-cı il Dünya Kuboku başa çatdıqdan sonra futbolçuların “Qızıl top” qazanmaq şansları barədə söhbətlər yenidən başlayıb.

Publika.az xəbər verir ki, nüfuzlu “Goal” portalı mükafata əsas namizədlərin reytinqini yeniləyib.

“Bayern”in hücumçusu Harri Keyn siyahının lideridir. İngiltərəli hücumçu Dünya Kubokunda altı qol vuraraq komandasının bürünc medal qazanmasına kömək edib – bu, “Üç Aslan”ın 1966-cı ildən bəri ilk medalı olub.

O, 2025/26 mövsümündə ümumilikdə 73 qol vurub, Münhen komandası ilə üç kubok qazanıb.

İspaniyanın heyətində Dünya Kubokunu qazanan Lamin Yamal ikinci yerdədir. Dünya Kubokunda 8 qol vuran, 4 məhsuldar ötürmə edən və turnirin gümüş medalını qazanan Lionel Messi isə üçüncü yerdədir.

“Goal”a görə, 2026-cı il üçün “Qızıl top” mükafatına əsas namizədlər

Harri Keyn (“Bayern”, İngiltərə)

Lamin Yamal (“Barselona”, ​​İspaniya)

Lionel Messi (“İnter Mayami”, Argentina)

Maykl Olise (“Bayern”, Fransa)

Kilian Mbappe (“Real Madrid”, Fransa)

Rodri (“Mançester Siti”, İspaniya)

Usman Dembele (PSJ, Fransa)

Erlinq Haaland (“Mançester Siti”, Norveç)

Xviça Kvaratsxeliya (PSJ, Gürcüstan)

Pau Kubarsi (“Barselona”, ​​İspaniya)

Publika.az