Prezident Pirlo qalmaqalı haqda: Bütün gecəni yata bilmədim

İtaliya Futbol Federasiyasının (FIGC) prezidenti Covanni Malaqo Andrea Pirlonun İtaliya millisinin baş məşqçisi təyinatına mane olmaqla düzgün qərar verdiyinə inanır.

Publika.az xəbər verir ki, Malaqo İtaliya mətbuatına verdiyi açıqlamada bildirib:

“İnanın mənə, hər şey hazır idi. Təkcə təyinatını elan etmək qalmışdı, amma sonra Andreanın Rusiya bukmeker şirkəti ilə əməkdaşlığı barədə xəbərlər yayıldı. Mən nə etməli idim? Həmin an bütün gecəni yata bilmədim, amma sonda əminəm ki, düzgün qərar vermişəm”, – Malaqo deyib.

Nəticədə Roberto Mançini İtaliya millisinin baş məşqçisi vəzifəsinə gətirilib və Klaudio Ranyeri FIGC-nin texniki direktoru təyin edildi. Malaqo, Mançini ilə yalnız Pirlonun məşqçi təyin olunmayacağı bəlli olduqdan sonra əlaqə saxladığını israr edir.

“Mən ona yalnız Pirlo işi bağlandıqdan sonra zəng etdim. “Bəli, mən bunu istəyirəm” deyə cavab verdi. Və sizə bir şeyi deyim: o, müqaviləni demək olar ki, oxumadan dərhal imzaladı”, – Malaqo əlavə edib.

Publika.az