Onun Salaha müraciəti “Trabzonspor” fanatlarını ayağa qaldırdı - FOTO

Bir neçə il əvvəl “Liverpul” bizi gənc azarkeş İsaakla tanış etdi.

Publika.az xəbər verir ki, İsaak nadir hallarda rast gəlinən və inkişafda yaşıdlarından geri qalmasına səbəb olan Volf-Hirşhorn sindromundan əziyyət çəkir.

Vircil van Deyk və Məhəmməd Salah oğlanı məktəbdən götürüb “qırmızılar”ın məşq meydançasına apardılar və orada komanda ilə görüşdülər. Bir neçə gün sonra onu başqa bir sürpriz gözləyirdi: oğlan mersisaydlıları “Siti” ilə oyuna çıxardı. İsaak dərhal “Liverpul” azarkeşlərinin qəlbini fəth etdi.

İsaak sevimli komandasının oyunçularının gedişindən sonra belə onları dəstəkləməyə davam edir. Bu dəfə o, Mo Salaha müraciət edib:

“Futbol qəhrəmanım! Bu yeni mərhələ münasibətilə təbrik edirəm, Mo! Harada oynamağınızdan asılı olmayaraq, səni həmişə dəstəkləyəcəyəm. Mənə çox gözəl xatirələr bəxş etdin və səni “Liverpul” formasında görmək üçün həqiqətən darıxacağam.

Hər şey üçün təşəkkür edirəm, Mo. Sən mənim qəlbimdə əbədi olaraq xüsusi yer tutacaqsan. Yeni klubun “Trabzonspor”da uğurlar! Səni həmişə dəstəkləyəcəyəm və azarkeşlik edəcəyəm! Səni çox darıxacağam! Sevgi ilə İsaak ”.

Cəmi bir paylaşımla İsaak “Trabzonspor” azarkeşlərinin qəlbini fəth etdi! Onlar oğlanın hazırda ailəsi ilə birlikdə Türkiyədə tətildə olduğunu öyrəniblər və klubla kütləvi şəkildə əlaqə saxlayıblar ki, oğlanı Salahın yeni komandasının oyununa dəvət etsinlər.