Benzema “Əl-Hilal”dan rəsmən ayrıldı
Bizi izləyin

İdman

Benzema “Əl-Hilal”dan rəsmən ayrıldı

Benzema “Əl-Hilal”dan rəsmən ayrıldı

Səudiyyə Ərəbistanının “Əl – Hilal” klubu hücumçu Kərim Benzema ilə müqavilənin qarşılıqlı razılıq əsasında ləğv olunduğunu elan edib.

Publika.az xəbər verir ki, 38 yaşlı fransız hücumçu azad agent statusu alıb. “Əl – Hilal” Benzemaya komandanın inkişafına verdiyi töhfəyə, eləcə də meydanda və meydandan kənarda nümayiş etdirdiyi peşəkarlığa, sədaqətə və liderlik keyfiyyətlərinə görə minnətdarlığını bildirir.

“Klub Kərim Benzemaya “Əl-Hilal”da keçirdiyi vaxta görə səmimi təşəkkürünü bildirir və ona karyerasının növbəti mərhələsində uğurlar arzulayır”, – deyə “Əl-Hilal”ın rəsmi saytında yer alan açıqlamada deyilir.

Benzema 2026-cı ilin fevral ayında “Əl – Hilal”a qoşulub. O, komandada 16 oyunda meydana çıxıb, 10 qol vurub və 5 məhsuldar ötürmə edib.

Benzema 2023-cü ilin yayından bəri Səudiyyə Ərəbistanının digər klubu olan “Əl-İttihad”da çıxış edib.

2022-ci ildə Benzema “Qızıl top” mükafatını qazanıb.

Oxumağa davam et
Reklam
Reklam

Gündəm

Zəfaran Hospital
Səba