30 il toz içində qalmışdı: Hemiltonun nadir “Ferrari"sini bərpa etdilər - FOTOLAR

Formula 1 üzrə yeddiqat dünya çempionu Lyuis Hamilton tozlu qarajda 30 ildən çox qaldıqdan sonra bərpa edilən “Ferrari F40” haqqında danışıb.

Publika.az xəbər verir ki, Hemilton bu barədə sosial mediada yazıb:

“Bu, mənim öz F40-ımdır. Bu, mənim xəyalımdakı maşındır və yadımda qalandan bəri belədir. Uşaq vaxtı belə bir maşına sahib olmağı xəyal edirdim.

Keçən il “Ferrari”yə qoşulanda Maranellodakı ilk günümdə onun yanımda olmasını istədim. Elə ona görə də, özümlə apardım. Bu, mənim üçün çox şey ifadə edir.

Bu avtomobillər əsl sənət əsərləridir və inanılmaz dərəcədə nadirdirlər. Ona görə də qarajda 30 ildən çox qaldıqdan sonra toz içində qalan bu avtomobili tapanda onu evə aparmalı olduğumu bildim. Əvvəlcə onu Maranelloya apardım və zavodun ən yaxşı mühəndisləri və mexanikləri həftələrlə onu bərpa etdilər. Bu layihədə iştirak edən hər kəsə böyük təşəkkür edirəm. Bu xəyal həqiqətən də gerçəkləşdi. Sizə daha çox məlumat vermək üçün səbirsizlənirəm. Bizi izləməyə davam edin”.

Publika.az