“Arsenal” o penaltiyə görə izahat tələb edir

“Arsenal” Premyer Liqanın 4-cü turunda “Sanderlend”ə qarşı oyunda qapısına təyin olunan penaltiyə aydınlıq gətirilməsini istəyir.

Publika.az xəbər verir ki, 54-cü dəqiqədə hakim Con Bruks “topçular”ın qpısına penalti təyin etdi . O, Ezri Konsanın cərimə meydançasına daxil olan Daniel Ballarda qarşı kobudluq etdiyini bildirdi. “Arsenal”ın müdafiəçisi rəqibini yerə yıxdı, baxmayaraq ki, Ballard özü rəqibinin köynəyini dartırdı. Qapıçı David Raya penaltini dəf etdi və iki dəqiqə sonra londonlular qələbə qolunu vurdular.

Oyundan sonra “Arsenal”ın baş məşqçisi Mikel Arteta bildirib ki, bu səviyyədə oyunlarda belə penalti qbuledilməzdir:

“Bu kimi qərarlar mövsümün gedişatını dəyişdirə bilər. Mən 28 ildir futboldayam, bu, heç bir halda penalti deyil”.

O, həmçinin əlavə edib ki , rəqib cüdo texnikasından istifadə edib, Konsa isə heç nə etməyib.

“The Guardian” qəzetinin məlumatına görə, “Arsenal” epizodla bağlı Pro Ref (Professional Game Referees) ilə görüş tələb edib. Klub hakimlərdən cəza ilə bağlı izahat almaq niyyətindədir.

Hazırkı İngiltərə çempionunun hakim Bruks penalti nöqtəsini göstərərkən video köməkçi hakimin (VAR) niyə müdaxilə etmədiyinə dair izahat tələb etməsi gözlənilir.

Müəllif: Tural