Rusiyalı deputat İsraildə xokkey oynadı: Ukraynanın etirazına məhəl qoyulmadı
Bizi izləyin

İdman

Rusiyalı deputat İsraildə xokkey oynadı: Ukraynanın etirazına məhəl qoyulmadı

Rusiyalı deputat İsraildə xokkey oynadı: Ukraynanın etirazına məhəl qoyulmadı

İsrailin Aşdod şəhərində Rusiya Dövlət Dumasının deputatının iştirakı ilə xokkey oyunu keçirilib.

Publika.az xəbər verir ki, bu barədə “United24” məlumat yayıb.

Tədbir Rusiya ilə İsrail arasında diplomatik münasibətlərin 35 illiyinə həsr olunub.

“Rusiya Xokkeyinin Əfsanələri” və “İsrail Ulduzları” komandaları bir-biri ilə qarşılaşıblar. Matç Rusiya komandasının 5-2 hesablı qələbəsi ilə başa çatıb.

Rusiya komandasının heyətində Vyaçeslav Fetisov, Vladimir Mişkin və Sergey Svetlov da daxil olmaqla bir sıra keçmiş xokkeyçilər olub.

Qeyd etmək lazımdır ki, karyerası ərzində NHL-də oynamış Fetisov hazırda Rusiya Dövlət Dumasının üzvüdür. Keçmiş idmançı Ukraynaya qarşı hərbi təcavüzü dəstəklədiyinə görə AB, ABŞ və Ukrayna tərəfindən tətbiq edilən sanksiyalar altındadır.

“United24” verdiyi açıqlamada qeyd edib ki, oyundan əvvəl Ukraynanın İsraildəki səfirliyi İsrailin idman və mədəniyyət naziri Miki Zohara oyunu ləğv etməsini xahiş edən məktub göndərib, lakin heç bir cavab almayıb.

Rusiyanın təbliğat nəşri TASS- ın məlumatına görə, matçı Rusiya, Qazaxıstan, Belarus və Çin səfirləri izləyiblər.

Publika.az

Oxumağa davam et
Reklam
Reklam

Gündəm