Dərd batmanla gəlir: Borc yarım milyarda çatdı, səhmlər ucuzlaşdı
Bizi izləyin

İdman

Dərd batmanla gəlir: Borc yarım milyarda çatdı, səhmlər ucuzlaşdı

Dərd batmanla gəlir: Borc yarım milyarda çatdı, səhmlər ucuzlaşdı

“Mançester Yunayted” maliyyə ilinin ilk rübündə xalis zərərin və borcun artdığını bildirib.

Publika.az “Reuters” agentliyinə istinadla xəbər verir ki, 30 sentyabrda bitən rüblükdə klubun xalis zərəri 18,1 milyon funt sterlinq təşkil edib. Ötən ilin eyni dövründə bu rəqəm 6,6 milyon funt idi.

Klubun borcu ötən illə müqayisədə 93 milyon funt sterlinq artaraq 577,4 milyon funt sterlinqə çatıb. “Mançester Yunayted” bunu iyun ayında kreditin yenidən maliyyələşdirilməsi ilə əlaqələndirib.

Maliyyə nəticələri komandanın mövsümə uğursuz başlaması fonunda dərc olunub.

“Mançester Yunayted” Premyer Liqa turnir cədvəlində 18-ci yerdədir . Komanda on liqa matçından yalnız birində qalib gəlib. Maykl Karrikin istefaya göndərilməsindən sonra klub Maurisio Poçettinonu baş məşqçi təyin edib.

Hesabatdan sonra “Mançester Yunayted”in ABŞ-da qeydiyyatdan keçmiş səhmləri bazar öncəsi ticarətdə təxminən 9% ucuzlaşıb.

Klub həmçinin illik gəlir və əsas mənfəət proqnozlarını qoruduğunu və maliyyə dayanıqlılığı qaydalarına riayət etməyə davam etdiyini açıqlayıb.

Müəllif: Tural

Oxumağa davam et
Reklam
Reklam

Gündəm