Bu sahədə daha çox dəstək verməyə çalışırıq - Mixalko

"Avropa İttifaqı bizim etibarlı tərəfdaşımızdır və biz onlarla Azərbaycan əhalisinin, xüsusilə kəndlərdə yaşayan əhalinin gəlirlərini artırmağa, onların təsərrüfatlarına kömək etmək üçün əməkdaşlıq edirik".

Publika.az">Publika.az xəbər verir ki, bu fikirləri jurnalistlərə açıqlamasında Avropa İttifaqının Azərbaycandakı səfiri Peter Mixalko deyib.

Səfir əlavə edib ki, yerli təsərrüfat sahibləri ilə aqrar turizm sahəsində birgə işlədikləri üçün məmnundurlar: "Bu sahə Avropa İttifaqının bir çox ölkələrində kifayət qədər yaxşı inkişaf edib və biz bu təcrübələri bölüşməkdən məmnunluq duyuruq. Ümumiyyətlə, bu sahə Avropa İttifaqı ilə tərəfdaşlığın çox önəmli hissəsidir və biz düşünürük ki, Azərbaycan xalqının digər ölkələrdən gələn turistlərlə bölüşəcəyi çoxlu məhsulları var. Ona görə də iqtisadi sahədə daha çox dəstək verməyə çalışırıq. Azərbaycan iqtisadiyyatında kənd təsərrüfatı çox böyük rol oynayır və hazırda keçirilən bu layihənin maliyyələşdirilməsinə yarım milyon avro ayırmışıq. Lakin qarşıda bir çox layihələr var. Bundan başqa, layihələrə də 40 milyon avroya yaxın yardım olunub ki, bu sahənin inkişafı üçün bundan sonra da əlavə yardımlar olunacaq".