Ekopublika.az

Rusiya Çinə satdığı qazın həcmini artırır

8 Oktyabr 2014 04:10

“Rusiya yaxın gələcəkdə Çinə satdığı qazın həcmini 100 miyard kubmetrə çatdıra bilər”.

Publika.Az xəbər verir ki, bunu “Qazprom”un rəhbəri Aleksey Miller bildirib. O qeyd edib ki, 30 ilə şirkət uğurlu müqavilədən 400 milyard dollar qazanacaq: “Əslində bu başlanğıcdır.Çinə ixrac gələcəkdə 60 milyard kubmetrə, daha sonra isə 100 milyard kubmetrə yüksələcək”.

Xatırladaq ki, Çinlə qaz müqaviləsinə əsasən Rusiya sonrakı 30 il ərzində bu ölkəyə 38 milyard kubmetr qaz ixrac edəcək. Müqavilənin ümumi dəyəri 400 milyard dollardan yuxarı qiymətləndirilir.

Onu da bildirək ki, Rusiya ilə Çin arasında qaz danışıqları 20 ilə yaxın idi davam edirdi. Rusiya qazının Çinə ixracına dair tərəflərin mövqeləri arasında son vaxtlar yaxınlaşma əldə olunsa da əsasən qiymət məsələsinə görə müqaviləni imzalamaq mümkün olmurdu. Nəhayət, bu ilin mayında prezident Vladimir Putinin geniş tərkibli nümayəndə heyətinin iştirakı ilə Çində müqavilə imzalandı.

İqtisadiyyat şöbəsi