Azərbaycanın 4 karateçisi finalda - YENİLƏNDİ

Bakıda keçirilən IV İslam Həmrəyliyi Oyunları çərçivəsində Azərbaycan karateçisi Fəridə Əliyeva (+68 kq) finala vəsiqə qazanan ikinci qadın karateçimiz olub.

O, yarımfinalda pakistanlı idmançı Nərgiz Nərgizi 1:0 hesabı ilə məğlub edib.

Bundan əvvəl isə karateçilərimiz İrina Zaretskaya ,Roman Heydərov və Ayxan Mamayev də finala vəsiqə qazanıblar.

***

IV İslam Həmrəyliyi Oyunlarının ikinci günündə karatenin kumite və kata yarışlarına Azərbaycanın üç qadın və üç kişi idmançısı mübarizəyə qoşulub.

Karatenin kumite yarışlarında Azərbaycanı qadın idmançılardan İrina Zaretska (-68 kq) və Fəridə Əliyeva (+68 kq), kişilərdən isə Ayxan Mamayev (-84 kq) və Asiman Qurbanlı (+84 kq) təmsil edirlər.

Publika.az xəbər verir ki, kata yarışlarında isə ölkəmizin təmsilçiləri qadınlardan Neda Rezei, kişilərdən isə Roman Heydərovdur.

IV İslam Həmrəyliyi Oyunlarının karate yarışlarına bu gün yekun vurulacaq.

***

IV İslam Həmrəyliyi Oyunları karate üzrə yarışlarda (kata) Azərbaycan karateçisi Roman Heydərov finala çıxıb.

Publika.az xəbər verir ki, idmançımız BƏƏ təmsilçisi Alabaar Xəlifəyə 5:0 hesabı ilə qalib gəlib.

İslam Həmrəyliyi Oyunları çərçivəsində karate üzrə yarışlarda Azərbaycan idmançısı Ayxan Mamayev də özbəkistanlı rəqibi Abduləziz Otobayevi 3:1 hesabı ilə məğlub edərək finala çıxıb.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

***

İslam Həmrəyliyi Oyunları çərçivəsində karate üzrə yarışlarda Azərbaycan idmançıları Asiman Qurbanlı və Ayxan Mamayev yarımfinala çıxıblar.

Publika.az Trend-ə istinadən xəbər verir ki, 84 kiloqramdan yuxarı çəki üzrə mübarizə aparan Asiman Qurbanlı pakistanlı Məhəmməd Ramzana 5:1 hesabı ilə qalib gəlib.

Ayxan Mamayev (84 kq-a qədər) əlcəzairli karateçi Muad Açaçini 5:3 hesabı ilə məğlub edib.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.