Magazin1

Aygünün fanatlarından Roza Zərgərliyə həlledici zərbə - FOTO

12 Noyabr 2015 18:53

Müğənni Roza Zərgərli ilə xalq artisti Aygün Kazımova arasındakı qalmaqala ikincinin fanatları da qarışıb.

Publika.az xəbər verir ki, Kazımovaya Snup Doqun qucağında oturduğunu irad tutan Zərgərliyə həlledici zərbəni xalq artistinin fanatları endirib. Belə ki, onlar Zərgərlinin bir kişinin qucağında olan fotosunu üzə çıxardaraq yayıblar. Xatırladaq ki, həmin foto 2013-cü ildə yayılıb.

Maraqlıdır ki, iki müğənninin qalmaqalına başqa həmkarları da qarışıb. Belə ki, Niyam Səlami məsələyə münasibət bildirərək Roza Zərgərlini özünü reklamda günahlandırıb:

“Roza Aygün Kazımova haqqında danışa bilməz. Çünki Aygün Kazımovanın təcrübəsi və statusu imkan vermir ki, Roza Zərgərli ona söz desin. Guya, Aygün xanım onun dostlarından xahiş edir ki, Roza yazını çıxartdırsın. Yalandır! Dostları yox, tək mən özüm Rozaya zəng etdim və dedim ki, ayıb olsun, adam klipini belə reklam etməz. Görün, kim kimə oturuş qaydası öyrədir”.