26 yaşlı məşhur aktrisanın 8 yaşında qızı olduğu üzə çıxdı - FOTO

“Təhminə və Zaur” serialında Gülnar obrazını canlandıran 26 yaşlı aktrisa Nərgiz Əliyevanın 8 yaşlı qızı olduğu üzə çıxıb.

Publika.az xəbər verir ki, tədbirlərin birinə qızı Jasminlə birlikdə gələn aktrisa suallarımıza cavab verib:

“Deyirlər ki, “Maşın şou”dan çıxdıqdan sonra psixoloji baxımdan sarsılırsan, özünə gəlmək üçün vaxt lazım olur. Lakin məndə belə bir problem baş vermədi. Əksinə, yeni dostlar qazandım. Bir neçə gün dincəldikdən sonra işimin başına qayıdacam”.

Aktrisa daha sonra “Təhminə və Zaur” serialındakı açıq-səhnələrdən danışıb: “Bəzi səhnələr tamaşaçılar tərəfindən qəbul edilmir. Lakin sevgi mövzusunda serial çəkilirsə, orda müəyyən qaydalardan kənara çıxmamaq şərti ilə intim səhnələrinin olması normaldır. Ümumiyyətlə, həmişə elə rollar seçirəm ki, ailəmdə problem yaranmasın”.

26 yaşlı aktrisa qızı haqqında da danışıb: “Tez ailə qurmuşam, qızımın 8 yaşı var. Çox adam bilmirdi ki, anayam. Verilişdə etiraf etdikdən sonra bilməyənlərin də xəbəri oldu. Qızım haqqında danışmağı xoşlamıram, çünki uşaqdır. İlk dəfədir ki, qızımla tədbirə birlikdə qatılmışam".

Qızının atası ilə ayrıldığını deyən aktrisa bildirib ki, hazırda həyatında sevdiyi insan var, lakin bu barədə danışmağı sevmir.