Magazin1

Dadaş Dadaşlinski ARB-nin EVLİLİK ŞOUSUNU tənqid etdi - VİDEO

25 Sentyabr 2019 10:39

Bir neçə gün əvvəl ARB kanalının “Sayqa ilə” proqramında Afaq Aslanın qarşısında diz çöküb ona evlənmə təklifi edən oğlan bu dəfə son günlərin fenomeni olan Dadaş Dadaşlinskinin katibəsi üçün onun qapısına elçi düşüb.

Publika.az xəbər verir ki, Afaq Aslana görə ürəyi gedən gənc İTV-dəki “3 D” verilişinə dəvət edilib. O, Dadaş Dadaşlinskinin aparıcılıq etdiyi şounun sonunda sözügedən efirə daxil olaraq katibə Lyubaya evlilik təklifi edib. Yəni ARB-dəki qurulan eyni səhnə bu dəfə İctimai-də təkrarlanıb.

Sonda isə oğlan ayağa qalxaraq qurduğu tamaşa üçün öz haqqını istəyib. "Qonorarımı haradan götürə bilərəm” sualı ilə katibəyə müraciət edən gənc cavabında bunları eşidib "Mühasibdən".

Bununla da İTV ARB-ni üstüörtülü şəkildə tənqid edib. Onlar efirə ödənişli əsaslarla qonaq dəvət edərək süni yolla şou yaratmağa çalışan ARB-ni ifşa edib.