Xalq artistinin Ağdamdan görüntüləri - VİDEO

Mayın 28-də Azərbaycan Prezidenti İlham Əliyev Ağdam şəhərində inşa olunacaq ilk yaşayış binasının təməlqoyma mərasimində iştirak edib.

Publika.az xəbər verir ki, dövlət rəsmilərinin iştirak etdiyi təməlqoyma mərasimində bir çox sənətçilərlə yanaşı Xalq artisti Mənsum İbrahimov da olub.

Sənətçi instaqramda Ağdamdan video paylaşaraq sevincini izləyiciləri ilə bölüşüb:
“Bu gün - 28 May 2021-ci ildə biz Ağdam şəhərindəyik. Respublika günündə Ağdam şəhərinin təməlini qoyma mərasimindəyik. Əziz dostlar, bundan böyük şərəf, xoşbəxtlik yoxdur. Bu, tarixi andır. Biz Ali Baş komandanımıza, müzəffər ordumuza, şəhidlərimizə, qazilərimizə borcluyuq ki, bu qüruru bizə yaşatdılar. Biz tezliklə Ağdam şəhərinin tikilməsinə şahid olacağıq, artıq bu gün bu prosesin təməli qoyuldu. Eşq olsun Azərbaycan ordusuna. Qarabağ Azərbaycandır! Şükür bu günümüzə”.

Xalq artistləri Mənsum İbrahimov, Nəzakət Teymurova, həmçinin Əməkdar artist Təyyar Bayramovun dövlət başıçısı ətrafına yığışaraq Qarabağ şikəstəsini ifa etməsi xüsusilə yaddaqalan məqamlardan biri olub.