Məşhur vokalçı Nyu-Yorkdakı lüks mənzilini itirib

Məşhur opera ifaçısı Anna Netrebko Nyu Yorkdakı dəbdəbəli daşınmaz əmlakını itirib.

Publika.az xəbər verir ki, ulduz bu barədə İnstaqramda bir abunəçinin şərhinə yazdığı cavabında etiraf edib. O, bildirib ki, Avstriya Vyanasındakı mənzili Manhettendəki mənzilinin interyerindən geridə qalır.

“Nyu-Yorkdakı mənzilim artıq yoxdur”, - Anna qeyd edib.

Sahəsi təxminən 170 kvadratmetr olan Manhettendəki mənzilini müğənni 2010-cu ildə keçmiş əri, uruqvaylı opera müğənnisi Ervin Şrottla birlikdə alıb. Bu ev cütlüyə təxminən 3 milyon dollara başa gəlib. Mənzildə üç yataq otağı, iki mətbəx və Mərkəzi Parka və Hudson çayına baxan qonaq otağında panoramik pəncərələr var idi.

Anna əmlakını nə üçün itirdiyini deməsə də, lakin müğənninin pərəstişkarları bunun anti-Rusiya sanksiyaları və ya müqavilələrin itirilməsi ilə bağlı maliyyə çətinlikləri ilə bağlı ola biləcəyini ehtimal edirlər.

Qeyd edək ki, Ukraynada hərbi xüsusi əməliyyat başlayandan sonra Anna çətin vəziyyətə düşüb. Əvvəlcə sənətçinin susması onun La Skala, Bavariya və Metropolitan Opera Teatrından qovulmasına səbəb oldu. Bundan sonra Netrebko xüsusi əməliyyatı pislədi və bunun sayəsində La Skalaya qayıda bildi, fəqqət Nyu York Metropolitan Opera Teatrının direktoru Peter Gelb onunla yenidən əməkdaşlığa hələ hazır olmadığını söyləyib. Qeyd edək ki, bu siyahıda ulduzun azərbaycanlı həyat yoldaşı Yusif Eyvazovun da adı var. Eyni zamanda, Rusiyada vokalçının çıxışlarından imtina edilməyə başlanıb.