Məşhur aktrisadan cəlbedici FOTOSESSİYA - FOTO

Aktrisa Enn Heteuey “Interview” jurnalının yeni sayının qəhrəmanı olub.

Publika.az xarici mətbuata istinadən xəbər verir ki, dinamik idman fotosessiyasına çəkilən aktrisa model Bella Hadid, aktrisa Cessika Çesteyn, dizayner Mark Ceykobs və daha çox məşhurların suallarını cavablandırıb.

Dizyaner Mark Ceykobs Enndən hansı geyimi geyindiyinə peşman olduğunu soruşub. Buna cavab olaraq aktrisa karyerasının əvvəlində yaşadığı biabırçı hadisəni yada salıb: “Çox gənc idim, tədbirlərə özüm paltar seçib geyinirdim. Qırmızı xalçadan keçdim, amma paltarımın işıqlar altında sayrışdığını bilmirdim. Büstqalter geyinmədiyim üçün hər şey fotoda əks olunurdu. Fotoqraf izdihamında bir nəfər də olsun mənə xəbərdarlıq etmədi və ya pencək təklif etmədi. Sadəlövh deyiləm, lakin belə olacığını gözləmrdim. Başqasının eyni vəziyyətə düşdüyünü görsəm, onu xəbərdar edərdim. Bu paltarı cırıb atardım, yorucu idi”.

Aktrisa onu da etiraf edib ki, əgər mümkün olsaydı, peşəkar balerina və pianoçu bacarıqlarına yiyələnmək istərdi. “Hər iki peşə böyük intellekt, incəlik və nizam-intizam tələb edir və siz dünya ilə belə ünsiyyət qurursunuz”, - Enn qeyd edib.

Kino ulduzu Metyu Makkonahinin feminizmin onun üçün nə demək olduğu ilə bağlı daha ciddi sualına belə cavab verib: “Bu, qadınlar üçün bərabərliyə inanan bir insanın ona verdiyi tərifdir, amma bunu bütün cinslərə əlavə edərdim. Bir hərəkat olaraq feminizm əlbəttə ki, mürəkkəb bir prosesdir, lakin o, təxribata doğru getməlidir”.