XALQ ARTİSTİ doğum günü təbriklərini qəbul etmədi

Bu gün 57 yaşı tamam olan Xalq artisti Brilliant Dadaşova belə ağır ərəfədə təbrik mesajlarını qəbul etmədiyini bildirib.

Publika.az xəbər verir ki, müğənni bu barədə instaqramda post paylaşıb və sentyabrın 12-dən 13-nə keçən gecə Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində təxribat törədən Ermənistan silahlı qüvvələrinin bölmələrini yazdığı şeirlə lənətləyib.

“Əzizlərim bu gün məni təbrik etməyin, bu ad günümdə közərməmiş yaralarımı qanatdılar. Onsuz da sağalmayan dərdlərimi bir az da çoxatdılar” , - sənətçi paylaşımında qeyd edib.

Brilliant Dadaşovanın şeirini təqdim edirik:

“Ay qəlbi çürümüş, əlləri ağır

Sənin də öhdəndən gələn olacaq

Əvvəl-axır insan olmadığın

Hər kəsə bəlli olacaq

Allah özü yıxacaq səni bir gün təməlli

Necə ki, bizim ciyərimiz yanır

Ürəyimiz qan ağlayır, içimiz parçalanır

Yüz qatı özünə nəsib olacaq

Sənin də başın əzilib burnun ovulacaq

Sənin də dünyan başına yıxılacaq

Allah qarğa deyil vurub gözün çıxartsın

Elə öz yaxınların tərəfindən dərin soyulacaq”