Məşhur aktyor qan içində - FOTO

Yaş oldu 35. Qocalmaq, cavan qalmaq - belə şeylər artıq mənim üçün boş şeydir. Əsas iki amil var - ailəm və aktyorluq. Onlar yanımda olsun, canları sağ olsun bəsimdir.

Publika.az xəbər verir ki, bu sözləri aktyor Sənan Əlləz sosial şəbəkədə yazıb. Doğum gününü qeyd edən məşhur çəkildiyi filmdən qan içində olduğu bir kadr paylaşıb və sənətinə sonsuz sevgisini qeyd edib: “Və bir də uşaqlıqdan etdiyim iş - oynamaq. Mənim işimin adı budur - OY NA MAQ. Özümə arzum budur ki, üzüm qrimdən, qulaqlarım motor sözündən və "Sənan yaxşıdır, amma bir də çəkək" kəlməsindən uzaq olmasın. Ssenarilər gəlir, oxuyub seçim edirəm, artıq bu yaş və bu vəziyyətə gəlmişəm. Əsas yaxşı iş olsun, gerisi təfərrüatdır”.

Məlumat üçün bildirək ki, bu yaxınlarda Sənan Əlləzin baş rolda oynadığı “Göz bəbəyim” adlı bədii filmin təqdimatı olub. Eyni zamanda, aktyor “Şeyx Sənan” pyesi əsasında çəkilən serialda rol alıb, sözügedən ekran işi yaxın vaxtlarda İctimai Televiziyada nümayiş olunacaq.