Məşhur rəqqasın intihar səbəbi nə idi? - FOTO/VİDEO (YENİLƏNDİ)

Ötən gün intihar edən tanınmış rəqqas Dəyanət Məmmədovun dostu Nurlan Əzizov mərhumun külli miqdarda borcu olduğunu bildirib.

N.Əzizov qeyd edib ki, Dəyanətin borclu olduğu adamlar tez-tez qapısına gəlirdi:

“Toylarda dizayn işləri ilə məşğul olduğu üçün bir sıra avadanlıqları var idi. Avadanlıqları əldə etmək üçün müəyyən məbləğdə borc alıb. Bəzi toy və məclislərdə ziyana getdiyi üçün borcunu qaytara bilmirdi”.

Qeyd edək ki, mərhum rəqqas bu gün doğulduğu Quba rayonunun Gəray kəndində torpağa tapşırılıb.

Daha ətraflı "Baku" TV-nin süjetində:

xxx

19:06

İntihar edən rəqqas Dəyanət Məmmədov müğənni Talıb Talenin dostu olub.

Publika.az yazır ki, bu barədə sənətçi özü instaqramda məlumat yayıb. Mərhumla fotolarını paylaşan Talıb bu sözləri qeyd edib:

“Bu səhəri çox pis xəbərlə - Tanınmış, istedadlı rəqqas Dəyanətin intihar xəbəri ilə açdıq. Adı kimi ozü də dəyanətli, fədakar, dostcanlı Dəyanətin intiharı mənə anlaşılmaz, inanılmaz və sarsıdıcı gəlir. Allah rəhmət eləsin”. (OLAY)