Əməkdar artist ailəsindən yazdı: "Hər kişi həyat yoldaşı olmağı bacara bilmir" - FOTO

Bu gün mənim üçün özəl günlərdən biridir. Çünki ömrümə ömür qatan, məni yenidən yaşamıma, həyatda dik durmağa qaytaran, hər anımda, hər addımımda mənə dəstək olan, uğuruma sevinib, kədərimə kədərlənən və qısacası mənim ömür-gün yoldaşımın doğum günüdür.

Publika.az xəbər verir ki, bu sözləri Dövlət Televiziyasının solisti, əməkdar artisti Bəyimxanım Vəliyeva sosial mediada yazıb. Həyat yoldaşını doğum günü münasibətiylə təbrik edən sənətçi səmimi fotolarını bölüşüb:

"Rəbbim onu mənim qarşıma ömrümün elə bir dönəmində çıxartdı ki..... ömür boyu Tanrıma duaçıyam. Hər kəs evlənə bilir, hər kəs təmtəraqlı toy edə bilir, hər kəs ata ola bilir, hər kəs ər ola bilir, lakin dövrümüzdə çox acıyaraq deyəcəm ki, hər kəs, hər kişi həyat yoldaşı, ömür-gün yoldaşı olmağı bacara bilmir. Sən isə bunu çox gözəl bacardın həyatımın yoldaşı. Nə yaxşı ki, doğulmusan. Nə yaxşı ki, varımızsan. Səni çooox sevirik canımız Atamız. Allah səni bizim başımızdan heç zaman əksik etməsin inşəallah. Yeni yaşın sənə yeni-yeni uğur, sevinc, ruzi-bərəkət, xoşbəxtlik gətirsin inşəallah

Bütün xanımlarımıza ailə xoşbəxtliyi arzulayıram, olmayanlara isə tezliklə xoşbəxt, gözəl ailə nəsib etsin uca Tanrım", - əməkdar artist paylaşımında qeyd edib.