Təyyarədə Müşviq Abbasovun başına iş gəldi

“Bu Şəhərdə” layihəsinin tanınmış ssenaristi Müşviq Abbasov “Flydubai” aviaşirkəti ilə bağlı ciddi narazılığını ifadə edib.

Publika.az xəbər verir ki, o və ailəsi uçuş üçün qeydiyyat prosesini tamamlamalarına baxmayaraq, reysdən səbəbsiz şəkildə çıxarılıblar.

Müşfiq Abbasovun sözlərinə görə, hadisə uçuşa iki saat qalmış baş verib:

“Sadəcə uçuşa iki saat qalmış bizim 4 yerimiz yoxa çıxdı. Biz olduq yersiz. Bizə dedilər “yerinizi bilin”.

Pasportunuzu təpənizə çırpıb “uzatmayın, rədd olun aeroportun otelində qalın” dedilər.”

Abbasovun sözlərinə görə, məsələ ilə bağlı “Flydubai”nin Bakıdakı rəhbərliyi ilə görüşmək və rəsmi şikayət etmək cəhdləri də nəticəsiz qalıb. Aviaşirkət yalnız standart üzrxahlıq mesajı ilə kifayətlənib:

“Bizim üçün hər sərnişin vacibdir. Sizdə yaranan problemə görə üzr istəyirik”, – deyə bildirilib. Lakin nə kompensasiya verildi, nə də problemin səbəbi açıqlandı”.

Ssenarist insanlara bu aviaşirkətdən uzaq durmalarını məsləhət görüb:

“Flydubai” bir daha isbat edir ki, Azərbaycanda ən gözəl və səviyyəli aviaşirkət bizim Milli AZAL-dır.”(Yenisabah.az)