8 ay xəstəxanada yatan məşhur şoumen əlil arabasında - VİDEO

Evinin hamamında yıxılaraq zədələnən və təxminən 8 ay xəstəxanada müalicə alan məşhur şoumen Mehmet Əli Ərbil evə buraxılıb.

Publika.az xəbər verir ki, aparıcı çıxışda jurnalistlərin suallarını cavablandırıb. O, bildirib ki, 8 ay ərzində qızı və ilk həyat yoldaşı yanından ayrılmayıb.

Daha sonra o, onu həyata qaytaran həkimlərə və kürəkəninə təşəkkür edib:

“3 dəfə ard-arda qabırğalarımdan əməliyyat edildim. Ağrıları hiss etməmək üçün 3-4 ay çox dərman verilib. Həyatımı xilas etmək üçün o dərmanların təsiri ilə əzələlərim bir az əridi. Hayatımda belə bir şey başıma gəlməyib. Heç cür inanmırdım, amma bacım Yeşim bir həkim gətirdi. O həkim keçirdiyi testlər nəticəsində 99 faiz addımlaya biləcəyimi dedi. İlk sol əlim hərəkət etdi, mən normalda sağ əlimi istifadə edirdim. Mənim üçün dünya sanki yenidən kəşf edilmiş kimi oldu. Onun üçün Allaha dua etdim və mənə sol əlimi bəxş et - dedim. Şükürlər olsun ki, sonra sağ əlim və digərləri hərəkət etdi. Sonra da inşallah ayaqlarım yürüyəcək. Xəstəxana heyətinə çox təşəkkür edirəm. Əvvəlcə böyük qızıma çox təşəkkür edirəm. İlk həyat yoldaşıma çox təşəkkür edirəm. 8 ay ərzində başımdan ayrılmadılar. Kürəkənim mənə yeni duaları öyrətdi. Mən gözümü də aça bilmirdim. O dua oxuyurdu, mən təkrar edirdim".