Hadisə göz yaşlarına boğuldu - Acun çəkilişi təxirə salmaq istədi - - VİDEO

“O Ses Türkiyə”nin dünənki buraxılışında Hadisə göz yaşlarına hakim ola bilməyib.

Publika.az Türkiyə mətbuatına istinadən xəbər verir ki, iştirakçı Dilara Şimşek çıxışından sonra ailəsindəki problemlərdən danışıb. Bu zaman bir ildir ki, ailəsi ilə münasibətləri korlanan Hadisə göz yaşlarına hakim ola bilməyib.

“Özəlimin bəzi təfərrüatlarını bölüşməyi sevirəm. Bir qardaşım var, 15 dəqiqə əvvəl həyat yoldaşı doğuşa girdi. Bibi olmaq həyəcanını sizinlə paylaşmaq istədim. Çox həssasam və orada olmaq istəyirəm. Sabah da çəkiliş olduğu üçün gedə bilmirəm, amma bir azdan foto göndərərlər, xoşbəxt olaram” sözlərindən sonra ifaçı duyğulu anları yaşayıb.

Vəziyyəti öyrənən Acun Ilıcalı “Çəkilişi ləğv et,desən, ləğv edərəm. Bizim üçün sənin xoşbəxtliyin daha vacibdir” deyib.

Sonra Hadisə ötən il yaşananları yada salıb: “Hər ailə çətin mərhələdən keçir. Bir ailə olaraq çətin dövrdən keçdik və göz önündə olduğum üçün haqqımızda çox yazıldı və danışıldı. Odur ki, instaqramda açıqlama verdim. Bu körpənin ailəmizə uğur gətirəcəyini düşünməkdən çox məmnunam. Körpəmizin adı Məlik Həmzədir”.