Eks-birinci ledi münasibətlər haqqında veriliş aparacaq

ABŞ-ın keçmiş prezidenti Barak Obamanın həyat yoldaşı Mişel Obama “Spotify”də proqram aparıcısı olacaq.

Publika.az xəbər verir ki, bu barədə keçmiş birinci ledi tvitterdə məlumat yayıb. O bildirib ki, onlayn yayımlanacaq proqram insanlar arasındakı əlaqələrə, qadın kişi münasibətlərinə və sağlamlığa həsr olunacaq.

“İlk mövsümdə mənə yaxın olan insanlarla danışacağam: ana, qardaş, dostlar, həmkarlar və başqaları. Biz yaratdığımız münasibətləri və onların bizi kimə çevirməsi barədə geniş müzakirələr aparacağıq” - deyə, Mişel Obama qeyd edib.

Verilişin ilk buraxılış iyulun 29-a planlaşdırılıb. Proqram “Mişel Obamanın Podkastı” adlanacaq.

CNN xəbər verir ki, ABŞ-ın keçmiş birinci xanımın ilk qonaqları “Office” serialında, “Ananas Express”, “Cakuzidə zaman maşını” filmlərində rol alan Kreyq Robinson və onun həyat yoldaşı Marian olacaq. Podkasta aparıcı Conan Obrayen və Barak Obamanın “Ağ Evi”də məsləhətçisi Valerie Jarettin də gələcəyi bildirilib.

Aytən Məftun