Magazin2

Məşhur cütlüyün ilk övladı dünyaya gəldi – FOTO

24 Sentyabr 2020 10:56

Məşhur model Cici Hadid ana olub.

Publika.az xarici mətbuata istinadən xəbər verir ki, 25 yaşlı model və onun 27 yaşlı müğənni sevgilisi Zeyn Malikin körpəsi dünyaya gəlib. Bu barədə model instaqram hesabında qızının atası ilə əllərinin fotosunu paylaşaraq məlumat verib. O, paylaşımına “Qızımız bu bazar dünyaya gəldi və artıq dünyamızı dəyişdirdi” sözlərini qeyd edib.

Zeyn Malik isə atalıq sevincini bu sözlərlə ifadə edib:

“Körpəmiz yanımızda, gözəl və sağlamdır. İndi hiss etdiyimi sözlə ifadə etməyə çalışmaq qeyri-mümkündür. Bu kiçik məxluqata olan sevgim ağlımın xaricindədir. Onu tanıdığım, mənim olduğu və birlikdə keçirəcəyimiz günlər üçün həyata minnətdaram”.

Amerikalı modellə ingilis müğənninin romanı beş il davam etsə də, bu illər ərzində bir neçə dəfə ayrılıb yenidən barışıblar. Cütlük 2018-ci ildə iki dəfə ayrılıb. 2020-ci ilin yanvar ayında yenidən bir araya gəliblər.

Qeyd edək ki, model Fələstin əsilli və amerikalı milyonçu Məhəmməd Hadidin qızıdır. Zeyn Malik isə əslən pakistanlıdır.