Aleyna Tilki: Castin Biber məndən xoşlanırdı, ona dedim ki...

Türkiyəli müğənni Aleyna Tilki qatıldığı bir proqramda Castin Biberin ona yaxınlaşdığını, söhbət etdiyini və ondan xoşlandığını iddia edib.

Publika.az xəbər verir ki, A.Tilki Türkiyədə ondan xoşlanmayan oğlanın olmadığını bildirib.

Əcnəbi məşhurlardan nümunə çəkən müğənni Castin Biberin Los-Ancelesdəki otellərdən birinin foyesində ona tərəf yaxınlaşdığını qeyd edib.

"Davamlı olaraq qulağıma bir şey deyirdi. Ondan bunu etməməsini istədim. Sonra mənim üçün masa təşkil edəcəyini söylədi. Ön və arxa masalarda əyləşdik. Özümə sifariş etdiyin qəhvədən ona təklif edib təşəkkür etdim. O da mənə getməli olduğunu dedi".

Bunlar baş verəndə Biberi tanımadığını deyən Tilki, amerikalı müğənni ayağa qalxdıqdan sonra iki qadın onunla şəkil çəkdirmək istədikdə hadisədən xəbər tutduğunu və onun kim olduğunu ofisiantdan öyrəndiyini açıqlayıb.

Bu hadisənin Castin Biber evlənməzdən əvvəl baş verdiyini əlavə edən Aleyna Tilki müğənninin bu günlərdə həyat yoldaşı Heyli Biberlə tez-tez eyni otelə getdiyini də qeyd edib.