Magazin2

Məşhur musiqiçi döyülərək öldürüldü – FOTO

3 Oktyabr 2022 14:00

Türkiyəli musiqiçi Onur Şeneri çıxış etdiyi restoranda üç nəfər döyərək öldürüb.

Publika.az Türkiyə mətbuatına istinadən xəbər verir ki, hadisə Ankaradakı əyləncə məkanlarının birində baş verib. Bir qrup musiqiçiyə mahnı sifariş verib. Lakin Onur Şenerin istənilən mahnını bilmədiyini deməsi müştəriləri qəzəbləndirib. Bundan sonra onlarla musiqiçilər aralarında mübahisə başlayıb. Restoran bağlandıqdan sonra 3 nəfər əllərindəki şüşələrlə məkanı tərk edən musiqiçiyə hücum edib. Nəticədə Onur Şener boğazından yaralanıb. Boğazında şüşə parçaları ilə xəstəxanaya aparılsa da, onun həyatını xilas etmək mümkün olmayıb.

Hadisə ilə bağlı cinayət açılıb, cinayətkarlar həbs olunub.

“Ahbap” xeyriyyə fondunun yaradıcısı və məşhur musiqiçi Haluk Levent musiqiçinin ölümü ilə bağlı sosial mediada post paylaşıb. O, Onur Şenerin ailəsinə başsağlığı verib və bildirib ki, uşaqlarının bütün təhsil xərclərini xeyriyyə fondu qarşılayacaq.