Magazin2

Monika bunu edən ilk qadın oldu - FOTO

6 Noyabr 2022 19:00

Monika Belluççi “Italian Style Magazine” jurnalının yeni sayının fotosessiyasında rol alıb və bu, nəşrin tarixində onun üz qabığını bəzəyən ilk qadın olub.

Publika.az xarici mediaya istinadla xəbər verir ki, ulduz fotosessiyası üçün geyimlərini “Dolce & Gabbana”dan seçib.

Fotonu fransız fotoqraf Laurent Humbert çəkib, stilisti isə Sesiliya Martin olub.Ağ-qara janrda lentə alınan fotosessiyada aktrisa cəlbedici pozalar verib.

Monika jurnala verdiyi müsahibədə gələcəklə bağlı planlarından danışıb və bildirib ki, vaxtının çoxunu ailəsi ilə keçirməkdən məmnundur. “İşlə qızlarıma yaxın qalmaq arasında seçim etməli olsam, qızları seçərəm”, - aktrisa qeyd edib.

Xatırladaq ki, Monikanın fransız aktyor və keçmiş əri Vensan Kasseldən Leoni və Deva adlı iki qızı var. Evliliklərinin pozulmasına baxmayaraq, Vensan və Monika görüşməyə və qızları ilə vaxt keçirməyə davam edirlər.