Magazin2

Məşhur müğənni əməliyyat olundu - FOTO

2 Fevral 2024 11:08

Türkiyənin məşhur ifaçısı Ajda Pekkan əməliyyat keçirib.

Publika.az Türkiyə mediasına istinadən xəbər verir ki, yay boyu sağ çiynində vətər qopmasından əziyyət çəkən əfsanəvi sənətçinin oynaqlarından əməliyyat olunduğu bildirilib.

Ajda Pekkanı ötən il ulduzun omba əməliyyatını da həyata keçirən Prof. Dr. Mehmet Demirhan əməliyyat edib. Xəstəxanadan buraxıldıqdan sonra superulduz evdə dincələcək və 3 həftə fiziki müalicə alacaq.

"Çox ağrıyırdım, amma xoşbəxtlikdən bu əməliyyatla ağrılarımdan xilas oldum. Ombamı sındırdıqdan sonra çiynimdə əzələ qopması baş verdi. Sonra yavaş-yavaş ağrılar başladı. Əvvəllər eyni çiynimdə vətər əməliyyatı olmuşdum. Ağrılar artdıqdan sonra həkimim Ramazandan əvvəl bu əməliyyatı etdi", - səhhəti haqqında danışan 77 yaşlı müğənni açıqlamasında qeyd edib.