Vyetnam müharibəsinin dəhşətləri FOTOLARDA

Dünyanın ən qəddar müharibələrindən biri olan Vyetnam müharibəsi artıq 42 ildir bitsə də, fotoların, filmlərin hafizəsində özünə yer etməklə insanları dəhşətə gətirməkdə davam edir.

Publika.az xəbər verir ki, müharibə 1954-cü ildə, Şimali Vyetnamda Ho Çi Minh və onun kommunist Vyet Minh partiyasının hakimiyyətə gəlməsi ilə başlamış və iki fövqəldövlət - ABŞ və SSRİ arasında Soyuq Müharibə nəticəsində daha da şiddətlənmişdi.

Müharibədə yarıdan çoxu Vyetnamın dinc əhalisi olmaqla 3 milyon insan həlak olmuşdu. 1973-cü ildə prezident Riçard Nikson ABŞ qüvvələrinin geri çəkilməsi haqqında əmr verdikdən sonra 1975-ci ildə müharibə bitib və növbəti il ölkə Vyetnam Sosialist Respublikası adı altında birləşdirilib.

Qeyd etdiyimiz kimi bu müharibə haqqında çox filmlər çəkilib, əsərlər yazılıb. Həmin dövrün dəhşətlərini ən çox fotoqraflar olduğu kimi, təxəyyülsüz insanlara çatdırıb. Onlardan biri də Pulitser mükafatının laureatı Nik Utdur.

Nik Ut məhz Vyetnam müharibısindən dəhşətə gəldiyi üçün karyerasını bitirmişdi. 65 yaşlı fotoqraf hazırda yalnız öz zövqü üçün fotolar çəkir. Amma onun fotoları müəllifinin özündən də məşhur olmaqla bir çox kitab və muzeyləri “bəzəyir”. Xüsusən də müharibədə istifadə olunmuş yasaq kimyəvi silah olan palmit turşusunun yaratdığı faciələr ürəkdağlayıcıdır.

Şəfiqə ŞƏFA