Tarix

Dillərin tarixi ilə bağlı yeni araşdırma: insanlar ilk dəfə...

8 Aprel 2024 17:48

İngiltərənin Ridinq Universitetinin mütəxəssisləri bəşəriyyətin dil inkişafının bilinəndən 8 dəfə daha qədim olduğunu üzə çıxarıb.

Publika.az xəbər verir ki, ingilis arxeoloqu Steven Mithen tərəfindən aparılan araşdırmada ilk insanların dilinin təxminən 1,6 milyon il əvvəl Şərqi və ya Cənubi Afrikada istifadə edilməyə başladığı təsbit edilib.

Mithen arxeoloji tapıntıları, qədim sümükləri, genetik məlumatları, beyin araşdırmalarını və dil araşdırmalarını hərtərəfli araşdırdıqdan sonra bu qənaətə gəlib.

Araşdırmalara görə, insan beyni eramızdan əvvəl 2 milyon il əvvəldən başlayaraq böyüməyə başlayıb. Bu böyümə ilə beynin daxili təşkilatında da dəyişikliklər baş verib.

Baş verən ən əhəmiyyətli dəyişikliklərdən biri beyində "Broka" adlanan xüsusi bir bölgənin meydana gəlməsi olub. Beynin bu hissəsinin həm dilin istehsalı, həm də anlaşılması ilə sıx bağlı olduğu bildirilir.

Roza Şəfiyeva