II Yelizaveta gözü önündəki sovet agentindən xəbərsiz olub: Tarixi FAKTLAR AÇILIR

Britaniyanın kəşfiyyat agentliyinin məxfi sənədləri göstərir ki, kraliça II Yelizavetta doqquz il ərzində kral casusluğu barədə məlumatlandırılmayıb. Sənədlər göstərir ki, monarxa yalnız 1973-cü ildə Entoni Blantın Sovet agenti olduğu deyilib, baxmayaraq ki, o bunu 1964-cü ildə etiraf edib.

Publika.az xəbər verir ki, bu barədə “The Guardian” yazır.

Bildirilir ki, mərhum Kraliça II Yelizavetaya təxminən 10 il, kraliçanın fotoşəkillərinin müəllifi və kral ailəsinin üzvü Entoni Blantın SSRİ agenti olduğunu etiraf etməsi barədə məlumat verilməyib.

Gizli sənədlər şöbəsinin o zamankı baş direktoru Maykl Henli 1972-ci ilin noyabrında yazır ki, sarayda bunu yalnız monarxın şəxsi katibi Martin Çarteris və onun müavini Filip Mur bilirdi.

Çarteris kraliçanın xəbəri olmadığını və “indi bunu ona deməyin mənası yoxdur” deyə düşünürdü. Blant 65 yaşında tutduğu vəzifədən getməyi planlaşdırırdı. Çarteris Kraliçanın Blantdan heç də məmnun olmadığını bilirdi.

1971-ci ildə Daxili İşlər Nazirliyi Henliyə Blant haqqında "Kraliçanın şəxsi həyatı haqqında heç nə bilmədiyini" söyləyib.

"Mən dedim ki, o ölümündən sonra qəzetlərdən çox şey öyrənə bilər", - Henli istehza ilə qeyd edib.

"The Guardian"ın yazdığına görə, 1983-cü ildə 75 yaşında vəfat edən Blant, Kembric Universitetində oxuyarkən Sovet kəşfiyyatında işləməyə başlayan Kim Filbi, Donald Maklin, Qay Burqess və Con Kernkross ilə birlikdə "Kembric Beşliyi"ndən biri idi.

Qeyd edək ki, material Londonun cənub-qərbindəki Kyu şəhərindəki Milli Arxivdə MI5-in işi ilə bağlı sərginin yaz açılışı ərəfəsində dərc olunacaq. “The Guardian” yazır ki, eksponatlar arasında Blantın müsahibəsinin canlı təsviri və Filbinin 1963-cü ildə etirafı ilə bağlı ilk məlumat olacaq.

Adəm Abbaslı