ABŞ yeni qızğın silahlanma elan etdi – Qorbaçov şok SSENARİNİ AÇIQLADI

ABŞ-ın orta və kiçik mənzilli raketlərin ləğvi haqqında müqavilədən çıxması yeni qızğın silahlanmanın elanıdır.

Publika.az xəbər verir ki, bunu “Nyu-York Taysm” nəşrində dərc etdiyi məqaləsində SSRİ-nin sabiq prezidenti Mixail Qorbaçov bildirib.

“Yeni qızğın silahlanma elan edildi”, - SSRİ-nin keçmiş rəhbəri yazıb.

Qorbaçovun fikrincə, ABŞ-ın müqavilədən çıxışı beynəlxalq vəziyyətin hərbiləşdirilməsi üzrə ilk hal deyil. O xatırladıb ki, ABŞ hələ 2002-ci ildə Raket əleyhinə müdafiə sistemlərinin məhdudlaşdırılması haqqında müqavilə, bu il isə İran atom proqramı üzrə razılaşmadan çıxıb.

“Hərbi xərclər astronomik səviyyəyə qalxıb və artmaqda davam edir”, - müəllif yekunlaşdırdı.

Xatırladaq ki, Donald Tramp ABŞ-ın Rusiya ilə orta və kiçik mənzilli raketlərin ləğvi haqqında müqavilədən çıxacağını açıqlayıb. Onun sözlərinə görə, ABŞ-ın bu müqavilədən çıxmasına səbəb Rusiyanın müqavilənin şərtlərini pozmasıdır.

Müqavilə 1987-ci ilin dekabrında Sovet İttifaqı Kommunist Partiyası Mərkəzi Komitəsinin birinci katibi Qorbaçov və ABŞ prezidenti Ronald Reyqan tərəfindən imzalanmışdı.

Ömər