Məhkəmə "Belarus Jurnalistlər Birliyi"ni LƏĞV ETDİ

Belarus Ali Məhkəməsi ölkənin Ədliyyə Nazirliyinin iddiası ilə "Belarus Jurnalistlər Birliyi"ni (BAJ) ləğv edib.

Publika.az xəbər verir ki, bu barədə BAJ "Telegram" kanalı məlumat yayıb.

Ali Məhkəmənin qərarında deyilir ki, dərnək nümayəndəsinin arqumentləri əhəmiyyətsizdir və qanunu səhv başa düşür.

İyulun 21-də Ədliyyə Nazirliyi BAJ tərəfindən pozuntuların aradan qaldırılması üçün tədbirlərin görülməməsi və təkrar (yazılı xəbərdarlıqdan sonra) qanun pozuntusu ilə əlaqədar olaraq birliyin ləğv edilməsi üçün Ali Məhkəmə qarşısında iddia qaldırıb.

Nazirlik BAJ-a ictimai birliklər haqqında qanunvericiliyin pozulması ilə bağlı yazılı xəbərdarlıq etdiyini və dərnəyin buna cavab olaraq pozuntuları və onların aradan qaldırılmasının zəruriliyini tanıdıqlarını, lakin vaxtında aradan qaldırmadıqlarını izah edib.

BAJ -ə iddia ərizəsi verdikdən sonra Ədliyyə Nazirliyinin iddiaları ilə qəti fikir ayrılıqlarını ifadə ediblər.

"İyul ayında dərnəyin ofisində axtarış aparılıb. Təşkilatın xəbərdarlıqda göstərilən nizamnamə sənədlərinə, təşkilatın möhürlərinə və icarə müqavilələrinə girişi yoxdur. BAJ ofisindən nəyin götürüldüyünü belə bilmirik", - assosiasiyadan bildiriblər.

Ədliyyə Nazirliyi tərəfindən təşkilata baxış iyun ayında başlayıb .

14-15 iyul tarixlərində Belarusdakl bir sıra qeyri-hökumət təşkilatlarının və qeyri-dövlət mediasının ofislərində axtarışlar aparılıb. İstintaq Komitəsi bunu kölgə pul axınları və vergidən yayınma ilə əlaqələndirib.

BAJ ölkədə 1995-ci ilin payızından fəaliyyət göstərir. Dərnək 1300-dən çox media işçisini birləşdirir. Təşkilat beynəlxalq peşəkar cəmiyyət tərəfindən tanınır.

Hüseyn