MDB

Belarusda yeni xüsusi təyinatlı batalyon YARADILIR: "Qazaxıstanda baş vermiş..."

19 Noyabr 2022 22:00

Belarusda yaxın gələcəkdə yeni xüsusi təyinatlı batalyon yaradılacaq.

Publika.az xəbər verir ki, bu barədə “Spetsnaz” jurnalına müsahibəsində daxili işlər nazirinin müavini, respublikanın daxili qoşunlarının komandanı Nikolay Karpenkov bildirib .

Onun sözlərinə görə, formalaşmanın bu ilin yanvarında Qazaxıstanda baş vermiş hadisələrin təhlili, habelə Ukraynada xüsusi əməliyyatın keçirilməsi təcrübəsi nəzərə alınmaqla həyata keçirilməsi planlaşdırılır .

"Biz Minskdə yerləşəcək bir batalyon yaradırıq, lakin o, həm də təxribat və kəşfiyyat qrupları, qanunsuz silahlı birləşmələrlə mübarizə, lazım gələrsə, hərbi kəşfiyyat, elektron kəşfiyyat aparmaq üçün tapşırıqları yerinə yetirəcək", - nəşrin mənbəsi izah edib.

Karpenkov vurğulayıb ki, respublika əlavə xüsusi təyinatlıların yaradılması hesabına döyüş qabiliyyətinin artırılmasının zəruriliyini dərk edir.

Hüseyn İbadlı