MDB

Lavrov: "XİN vətən və xalq qarşısında öz borcunu həmişə vicdanla yerinə yetirib"

10 Fevral 2023 08:23

Rusiyanın xarici işlər naziri Sergey Lavrov ABŞ-la hibrid müharibədə rusiyalı diplomatların dözümlülüyündən danışıb.

Publika.az Lenta-ru-ya istinadən xəbər verir ki, onun Diplomatik İşçi Günü münasibətilə təbriki idarənin Teleqram kanalında dərc olunub.

"Bu il biz bayramımızı ABŞ və müttəfiqlərinin ölkəmizə qarşı başlatdığı hibrid müharibəsi fonunda qeyd edirik", - Lavrov vurğulayıb. Eyni zamanda, o, Rusiyanın ağır sınaq saatından daha da güclənərək qalib gələcəyinə əmin olduğunu bildirib.

Xarici İşlər Nazirliyi rəhbəri qeyd edib ki, hazırda bir çox rus diplomatları həyati risk altında və ekstremal şəraitdə işləyirlər. “Xarici İşlər Nazirliyinin kollektivi Vətən və xalq qarşısında öz borcunu həmişə vicdanla və sona qədər yerinə yetirib. Bu dəfə də belə olacaq”, - o, yekunda vurğulayıb.

Aytən Məftun