MDB

Xəmir ustası olan erməni bu dəfə adam kəsdi: Yaralı çeçen xəstəxanadadır

10 Dekabr 2024 15:00

Sankt-Peterburqun Qonçarnaya küçəsində Çeçenistan sakini Ermənistan vətəndaşı tərəfindən bıçaqlanıb. Şübhəli bilinən şəxs saxlanılıb.

Publika.az bu barədə “Fontanka” nəşrinə istinadən xəbər verir.

Məlumata görə, dava bazar günü gecə saatlarında onların şaurma satdıqları kafenin yaxınlığında baş verib. Bildirilir ki, 42 yaşlı Çeçenistan sakini ağır vəziyyətdə xəstəxanaya yerləşdirilib.

Hadisə ilə bağlı qəsdən sağlamlığa ağır xəsarət yetirmə maddəsi ilə cinayət işi açılıb.

Qeyd olunur ki, bir gün əvvəl hüquq-mühafizə orqanlarının əməkdaşları hücumu törətməkdə şübhəli bilinən, əvvəllər ölümlə hədələdiyi üçün cinayət məsuliyyətinə cəlb olunmuş, ictimai iaşə obyektində xəmir ustası işləyən 48 yaşlı Ermənistan vətəndaşını saxlayıblar.

Şübhəli şəxs xüsusi təcridxanaya yerləşdirilib və barəsində həbs-qətimkan tədbirinin seçilməsini gözləyir.

Adəm