Lukaşenko ABŞ-ın Ukraynadakı əsas maraqlarını AÇIQLADI

ABŞ əsasən Ukraynadakı nadir torpaq metalları ilə maraqlanır.

Publika.az xəbər verir ki, bunu Belarus Prezidenti Aleksandr Lukaşenko deyib.

“Onlar (amerikalılar) nə istədiklərini bilirlər — həm Venesueladan, həm Rusiyadan, həm də Ukraynadan. Bu məsələni biz çox müzakirə etmişik. Əsasən isə Ukrayna ilə bağlı nadir torpaq metallarıdır. Onlar öz bizneslərini irəli aparırlar, öz iqtisadi maraqlarını təbliğ edirlər”, - deyə o bildirib.

Daha əvvəl Amerikanın "The National Interest" jurnalı ABŞ-ın Ukrayna ilə müqavilədən sonra əldə etmək istədiyi mineral ehtiyatların Rusiyanın davam edən hərbi hücumu fonunda Rusiyanın əlinə keçdiyini bildirmişdi. Jurnalın məlumatına görə, Ukrayna heç vaxt bu resurs müqaviləsini ciddiyə almayıb.

Qeyd edək ki, mayın 1-də ABŞ və Ukrayna nadir torpaq metalları ilə bağlı saziş imzalayıblar. Sənəddə ölkələr arasında hasilat sənayesində birgə layihələr üçün investisiya fondunun yaradılması nəzərdə tutulur. Xüsusilə, Ukraynanın neft, qaz və digər resurs yataqlarının işlənməsi və istismarı planlaşdırılır.

Hüseyn İbadlı