Polislərə hücumun təfərrüatı: Moskva “Ukrayna izi” tapdı

Dünən gecə Moskvanın Savelovski stansiyası yaxınlığında partlayış olduğu, bir yol polisi əməkdaşının öldüyü, iki nəfərin yaralandığı barədə məlumat vermişdik.

Publika.az xəbər verir ki, Rusiya İstintaq Komitəsi (İK) hadisənin təfərrüatlarını açıqlayıb.

Departamentin məlumatına görə, çərşənbə axşamı, 24 fevral gecəsi Savelovski Stansiyası meydanında növbətçi olan üç polis məmuruna yaxınlaşan bir kişi intihar bombasını partladıb. Nəticədə bir yol polisi əməkdaşı həlak olub, iki nəfər yaralanıb. Partlayışı törədən şəxs də sağ qalmayıb.

İlkin məlumata görə , partlayıcı qurğunu törədən şəxs Rusiya vətəndaşı olub və Ukrayna kəşfiyyat xidmətlərinin əmri ilə hərəkət edib. Avtomobili partlatmaq üçün istifadə edilən əldəqayırma partlayıcı qurğu təxminən 300 qram trotil ekvivalentində olub.

Rusiya Daxili İşlər Nazirliyinin sözçüsü İrina Volkun sözlərinə görə , partlayış nəticəsində baş polis leytenantı Denis Bratuşçenko həlak olub. O, Daxili İşlər Nazirliyinin Moskva Baş İdarəsinin Şimal-Şərq İnzibati Dairəsi üzrə Daxili İşlər İdarəsinin Dövlət Yol Müfəttişliyinin ayrıca yol patrul batalyonunda baş inspektor vəzifəsində çalışıb. Xəsarət alan yol polisi əməkdaşlarının xəstəxanada ağır vəziyyətdə olduqları bildirilir. Onların ayaqlarında, qollarında və bədənində çoxsaylı qəlpə yaraları var. Partlayış zamanı onlar avtomobildə olublar.

Tural