HƏMAS müharibəni İsrailin bu hissəsinə keçirəcək – TƏHDİD

Fələstin döyüşçüləri İsrailin cənubunda yerləşən ən böyük şəhərləri - Aşdod və Beer-Şevanı raket atəşləri ilə hədələyiblər.

Publika.az “RİA-Novosti” agentliyinə istinadən xəbər verir ki, bu haqda HƏMAS-ın hərbi qanadı olan “İzzəddin al-Kassam Briqadası”nın mətbuat katibi Abu Ubeydinin adından yayılmış bəyanatda deyilir.

Bildirilir ki, israillilər Qəzza sektorunda mülki binaları bombalamağa davam edərsə, HƏMAS raket atəşlərini İsrailin cənubunda yerləşən ən böyük şəhərlərə keçirəcək.

İsrail ordusu isə bu gün endirilən zərbələr nəticəsində HƏMAS-ın hərbi kəşfiyyat mərkəzini vurduğunu açıqlayıb. Məlumata görə, binadan hərbi hədəflər, həmçinin kəşfiyyat informasiyasının toplanması və tədqiqat işləri üçün istifadə edilirdi. Qeyd edilir ki, binada həmçinin silah anbarı var idi.

İsrail ordusunun mətbuat xidmətinin rəhbərlərindən olan Yonatan Konkirus Fələstin döyüşçülərinin raket arsenalının 20 min vahid qiymətləndirildiyini bildirib.

“Bizim qiymətləndirilmələrimizə görə, onlarda 20 mindən çox raket və mina var. Təəssüf ki, döyüşçülərin arsenalı tükənməkdən çox uzaqdır. Baxmayaraq ki, atəş hələ ki, Qəzza sektoruna sərhəd rayonları ilə məhdudlaşdırılıb, Fələstin döyüşçülərinin raket arsenalı onlara Təl-Əviv və Yerusəlimə çatmağa imkan verir”, - Konrikus deyib.

Qeyd edək ki, İsrailin Qəzza ərazisində hərbi əməliyyatı zamanı baş verən atışma münaqişənin kəskinləşməsinin səbəbi oldu. İsrail ordusu hazırda Qəzza sektorunda Fələstin döyüşçülərinin mövqelərinə hücümları davam etdirir.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ömər Dağlı