Qaşıqçı cinayətinin rəhbərindən BƏD XƏBƏR - "Vaşinqton Post" yazdı

Jurnalist Camal Qaşıqçını qətlə yetirlənlərin rəhbəri olduğu iddia edilən, vəliəhd şahzadə Məhəmməd ibn Salmanın ən yaxın adamlarından biri Səud əl-Kahtani yoxa çıxıb.

Publika.az xəbər verir ki, bu barədə ABŞ-ın “Vaşinqton Post” qəzeti informasiya yayıb.

Xəbərə görə, krallığın baş məsləhətçilərindən olan Kahtani cinayətdən sonra birdən-birə ortalıqdan yox olub. Onun taleyi haqqında tərəddüdlü bilgilər verilir.

Xəbərdə səudiyyəli rəsmilər və qəzetə bilgi verən vətəndaşların tərəddüdlü və şübhəli şəkildə danışmasına da yer verilib. Belə ki, səudiyyəli rəsmilər Kahtaninin paytaxt Ər-Riyadda, vətəndaşlar isə Ciddə şəhərində olduğunu deyib. Krallığa yaxın bir qaynaq isə Kahtaninin ev həbsində saxlandığını, lakin bu mövzuda əmin olmadığını qeyd edib.

Qeyd edək ki, əl-Kahtani Məhəmməd ibn Salmanın həm də mətbuat katibidir. O, Qaşıqçı cinayətində əli olan 17 şəxsin siyahısında yer alıb və ABŞ-ın sanksiyalarına məruz qalıb. Həmçinin, kral Əbdüləzizin cinayətə görə vəzifəsindən uzaqlaşdırdığı 5 nəfərdən biridir.

Zümrüd