ABŞ Suriyaya donanma göndərdi
Bizi izləyin

Yaxın Şərq

ABŞ Suriyaya donanma göndərdi

ABŞ Suriya istiqamətində Hərbi-Dəniz Qüvvələrinin gəmilər qrupunu göndərib.

Pinlika.az xəbər verir ki, bu haqda mənbələrə istinadən “Wall Street Journal” qəzeti bildirib.

Gəmilər qrupu Amerika qoşunlarının Suriyadan çıxarılmasına kömək edəcək. Qrupa “Kearsarge” desant gəmisi başçılıq edir. Gəmidə yüzlərlə dəniz piyadaçısı, vertolyotlar və təyyarələr var.

Daha əvvəl anonim Amerika hərbi məmuru “Fox News” telekanalına bildirib ki, ABŞ hələlik Suriyadan hərbi texnikanı çıxarır. Amerika administrasiyasındakı mənbəyə istinadən CNN telekanalı isə xəbər verib ki, ABŞ Suriyadan qoşunların ixracına yerüstü hərbi texnika ilə başlayıb.

Qeyd edək ki, 2018-ci ilin dekabrında ABŞ prezidenti Donald Tramp Suriyada İŞİD üzərində qələbəni elan edib və qoşunların çıxarılması barədə göstəriş verib. O bildirib ki, İŞİD bu ölkədə Amerika hərbçilərinin olmasının yeganə səbəbi idi.

Ömər

Oxumağa davam et
Reklam
Reklam

Gündəm