Yaxın Şərq

Körfəz müharibəsi yenidən ALOVLANDI - 4 ölkə...

30 Yanvar 2019 10:15

Birləşmiş Ərəb Əmirlikləri Qətərdən Dünya Ticarət Təşkilatına şikayət edib.

Publika.az xəbər verir ki, buna səbəb BƏƏ-də istehsal edilən məhsulların satışının Qətərdə qadağan edilməsidir.

BƏƏ-nin WAM rəsmi xəbər agentliyinin verdiyi məlumata görə, rəsmi Doha ölkədə BƏƏ, Səudiyyə Ərəbistanı, Bəhreyn və Misir mənşəli məhsulların satılmasına icazə vermir. Sözügedən məhsulların siyahısına tibbi ləvazimatlar və sənaye məhsulları da daxildir.

Qeyd edək ki, adıçəkilən 4 ölkə 2017-ci ilin 5 iyununda Qətərlə diplomatik və ticarət münasibətlərini kəsmişdi. Bununla yanaşı, Qətər iqtisadi və siyasi blokadaya salınmışdı. Daha sonra koalisiya ölkələri Dohaya 13 maddəlik tələb siyahısı göndərmiş, lakin bu tələblər rədd edilmişdi.

Zümrüd